Ky itinerar fillon nga Info Kulla për një historik të përgjithshëm të zonës. Aty ka materiale digjitale, harta të vogëla edhe burime të tjera që ju njohin më shumë për historinë e zonës.
Itinerari zë fill nga Info Kulla, ku krijohet mundësia për t’u njohur më mirë me historinë e zonës përmes materialeve digjitale, hartave dhe burimet e tjera të ekspozuara në të.

Udhëtimi vijon me automjet për te banesa e Abat Prend Doçit, shpallur Monument Kulture i kategorisë II. Abat Doçi ishte një ndër personalitetet me të rëndësishme të Rilindjes Kombëtare dhe i fillimitshekullit të XX në Shqipëri, i cili ka luajtur një rol madhor në momente të rëndësishme të zhvillimeve politike e kulturore të vendit – posaçërisht sa i takon gjuhës e letërsisë shqipe. Njihet si mendimtar, poet, publicist, veprimtar politik e kulturor, themelues i shoqërisë kulturore “Bashkimi” dhe Komisisë Letrare, e cila përcaktoi alfabetin e sotëm latin të shqipes. Pavarësisht faktit se autoriteti dhe ndikimi i tij te personalitetet bashkëkohëse ishte shumë i madh, kontributi i shquar i Abatit të Mirditës, si dhe i shumë figurave të tjera prelatësh katolikë, është studiuar e njohur pak në historinë shqiptare. Edhe pse ende e banuar, shtëpia e Abatit Doçit është në një gjendje të rrënuar. 

Mandej, udhëtimi vazhdon në anën tjetër të udhës, në qytetin e Rubikut, ku ndalet dhe në  Qendrën Kulturore “Abat Doçi”,në të cilën ku gjallon jeta artistike dhe organizohen veprimtari të ndryshme kulturore. 

Më tej ndalemi për të vizituar Kishën e Kuvendit (Manastirit) të Rubikut apo Kishën e t’Shëlbuemit, monument i rëndësishëm i trashëgimisë kulturore arkitektonike në bashkinë e Mirditës dhe në qarkun e Lezhës. Kisha e Manastirit të Rubikut përmendet si abaci benediktine qysh prej vitit 1166. Ndërtesa është një kishë me një navatë me orientim lindje-perëndim (absida-hyrja kryesore), e stilit norman, me planimetri në formë kryqi dhe lartësi maksimale prej 13,86 m, e cila u shërben ende sot e kësaj dite besimtarëve.

Pasi vizitës në Kishë, fillon shtegu i hiking-ut, i niveli të lehtë-mesatar e që mund të bëhet nga vizitorë të të gjitha moshave. Përgjatë këtij shtegu, i cili zgjat rreth dy orë e gjysmë, do të keni mundësinë të shijoni bukurinë natyrore, artin parahistorik, si dhe dhe kalanë (mure të moçme e pjesa kullash të vjetra mbrojtëse, të cilat banorët i kanë emërtuar kështu).

Itinerari përfundon me hotel Marubin, ku mund të darkoni e të kaloni natën.