Mirdita është trevë e pasur në burime natyrore, tradita të moçme, histori e trashëgimi të begatë jomateriale, të cilat duhen mbrojtur prej harresës që u kanoset dhe duhen njohur e ruajtur sa më qëndrueshëm.
Projekti ‘Cultour Mirdita’ ka për qëllim t’ju njohë me këtë krahinë të pasur në bukuri e kureshti, si dhe t’jua lehtësojë zbulimin e saj, në mënyrë që të keni mundësinë të hidhni hapat e parë të një udhëtimi të frytshëm e interesant. Ju ofrojmë tri shtigje a itinerare të ndryshme, të cilat do t’ju paraqesin pak prej larmisë turistike e kulturore të Mirditës.
Projekti Cultour Mirdita përfshin një sërë veprimtarish:
Hartëzimi i elementëve të trashëgimisë kulturore
Krijimi i një database me sitet e rëndësishme kulturore dhe natyrore të Mirditës dhe artizanët e zejtarët e zonës.
Hartim i Udhëzuesit për politikat publike
Përgatitja e një dokumenti me rekomandime në drejtim të zhvillimit të qëndrueshëm të turizmit kulturor për bashkinë e Mirditës.
Tre itinerare
turistike të Mirditës
Krijimi i tri itinerareve të posaçme të turizmit të përvojës, për të paraqitur mundësitë e shumta turistike që ofron Mirdita.
Projekti zbatohet nga Art Kontakt dhe EcoKult.
Art Kontakt është Qendër Kulturore Shqiptare krijuar si një projekt në Venecia të Italisë në 2003 dhe është themeluar më 7 Dhjetor 2007 me qëllim promovimin e artit dhe kulturës në Shqipëri.
EcoKult është një organizatë e themeluar në 2023 me qëllimin për të frymëzuar dhe fuqizuar komunitetet të përqafojnë praktika të qëndrueshme dhe të mbështesin kreativitetin.
